Kristínu þarf ekki að kynna fyrir Vestamannaeyingum þar sem hún hefur leikið 297 KSÍ leiki á ferlinum og langflesta þeirra fyrir ÍBV. Hún hefur skorað í þeim 149 mörk og skoraði hún sitt 50. mark í efstu deild í ár.

„Kristín hefur einnig verið í þjálfun yngri flokka í Vestmannaeyjum og er fólk innan knattspyrnudeildarinnar mjög ánægt með að tryggja sér krafta Kristínar á komandi leiktíð," segir í tilkynningu ÍBV.

Í sumar endaði ÍBV í sjötta sæti Bestu deildarinnar en það voru þjálfarabreytingar eftir leiktíðina.

Jonathan Glenn var rekinn frá ÍBV og tók við Keflavík. Í staðinn var Búlgarinn Todor Hristov ráðinn til starfa hjá ÍBV og þjálfar hann liðið á næstu leiktíð.