Aaron McCarey, markvörður Glentoran í Norður-Írlandi, var rekinn út af með skömm þegar lið hans gerði jafntefli gegn Coleraine í dag.
McCarey brást reiður við þegar Coleraine jafnaði metin er um tíu mínútur voru eftir. Hann hljóp út úr markinu og réðst að liðsfélaga sínum, Bobby Burns.
Burns féll til jarðar og fékk markvörðurinn að líta rauða spjaldið. Áhorfendur bauluðu á hann er hann gekk af velli.
McCarey var ekki sáttur með að Burns tapaði boltanum, en viðbrögð hans í kjölfarið voru til skammar og fékk hann skiljanlega að líta rauða spjaldið.
Leikurinn endaði með 2-2 jafntefli. Hér fyrir neðan má sjá myndband af atvikinu.
BIG TALKING POINT 😲@Glentoran goalkeeper Aaron McCarey sees red for lashing out at team-mate Bobby Burns during their side's 2-2 draw with Coleraine at the Oval.
— BBC SPORT NI (@BBCSPORTNI) October 16, 2021
Report & reaction 👉 https://t.co/DDQkyaJAGB#bbcfootball #BBCIrishPrem pic.twitter.com/mRIhCw86wP
Athugasemdir