Evra kom fram á Sky Sports þann 21. október ásamt Jamie Carragher, fyrrum leikmanni Liverpool. Carragher baðst þar afsökunar á bolum sem leikmenn Liverpool klæddust í upphitun fyrir leik gegn Wigan árið 2011.

Leikmenn Liverpool klæddust bolunum degi eftir að Luis Suarez framherji liðsins var dæmdur í átta leikja bann fyrir kynþáttafordóma í garð Evra í leik gegn Manchester United.

„Ég var mjög ánægður að Jamie Carragher baðst afsökunar. Ég fékk svo bréf frá Peter Moore og það snerti við mér," sagði Evra á Sky Sports fyrir leik Liverpool og Man Utd sem er nú í gangi.

„Hann sagði við mig að hann vonaðist til þess að það væri ekki of seint vegna þess að þetta gerðist fyrir níu árum. Ég þakkaði honum fyrir."

„Ég var vonsvikinn yfir því sem Liverpool gerði, en núna sé ég að það er gott og heiðarlegt fólk sem vinnur fyrir félagið."

Sjá einnig:
Carragher biðst afsökunar á bolum sem Liverpool klæddist fyrir Suarez