Bröndby er núna þremur stigum frá OB þegar ein umferð er eftir. OB er í fjórða sæti deildarinnar, en liðið sem endar í því sæti spilar um að komast í Evrópudeildina. OB og Bröndby mætast einmitt í lokaumferðinni og er Bröndby með betri markatölu.

Hjörtur er 24 ára gamall miðvörður. Hann hefur komið við sögu í 19 leikjum Bröndby á þessu tímabili.

Í Noregi spilaði Samúel Kári Friðjónsson fyrir Viking í stóru tapi gegn fyrrum lærisveinum Ole Gunnar Solskjær í Molde.

Samúel Kári var í byrjunarliði Viking en var tekinn af velli þegar 73 mínútur voru liðnar. Þá var staðan 4-1 fyrir Molde.

Molde er á toppi norsku úrvalsdeildarinnar með 22 stig. Viking er í sjöunda sæti með 14 stig. Samúel Kári er í láni hjá Viking frá Vålerenga sem er í þriðja sæti deildarinnar.