Heimild: Vísir 

„Nú er ég kominn í annað og breytt hlutverk. Ég þekki ekkert annað en að vera markmaður svo þetta eru auðvitað mikil tímamót hjá mér. Maður er rétt byrjaður að líta til baka og það rifjast ýmislegt upp, og þetta er fyrst og fremst bara geggjaður tími heilt yfir. Það er ekkert sem stendur sérstaklega upp úr, eins og titlar, og slíkt heldur öll þessi dæmi um fólk sem maður hefur kynnst og bardaga sem maður hefur tekið þátt í."

Gulli lék 474 mótsleiki samkvæmt vef KSÍ og skoraði eitt mark, þegar hann lék með HK í 2. deild. Deildarleikirnir voru alls 439 sem er Íslandsmet. Þá lék hann 26 landsleiki, þann fyrsta árið 2000 og þann síðasta 2014. Meistaraflokksferill Gulla hófst árið 1994 og síðustu mótsleikina spilaði hann síðasta sumar.

Gulli lék með HK, Keflavík, KR, Val Reyðarfirði, FH og Breiðabliki á sínum ferli á Íslandi. Hann var þá hjá FC Vaduz í Liechtenstein og á Englandi veturinn 1998-99. Gulli varð Íslandsmeistari með KR og FH á sínum ferli og bikarmeistari með FH.

„Ég er montinn af ferlinum og sé ekki eftir neinu. Það hefur auðvitað margt gengið á á 26 ára ferli í meistaraflokki, og allt of langt mál að kafa djúpt ofan í það, en ég er fyrst og fremst þakklátur fyrir ferilinn og hvað hann gat verið langur og skemmtilegur," sagði Gulli við Vísi.