Michael Salisbury dómari er í skammarkróknum og fær ekki að starfa á lokadegi ensku úrvalsdeildarinnar eftir að hann gerðist sekur um mistök í naumum sigri Manchester United gegn Nottingham Forest í síðustu umferð.
17.05.2026 14:49
Pereira: Dómaraákvörðun réði úrslitum
Matheus Cunha skoraði annað mark Rauðu djöflanna í leiknum en í endursýningu sést að Bryan Mbeumo handlék boltann í aðdragandanum. Atvikið var skoðað í VAR-herberginu og var Salisbury sendur í skjáinn.
Dómarar eru einungis sendir í skjáinn þegar talið er að um augljós mistök sé að ræða en Salisbury var ekki á því máli. Hann skoðaði atvikið aftur og stóð fast við sína ákvörðun.
17.05.2026 14:26
Gary Neville um markið: Hlægileg ákvörðun
Enska dómarasambandið viðurkenndi mistök í atvikinu en það vekur athygli að þetta er aðeins í sautjánda skipti á sjö tímabilum, og fjórða skiptið á yfirstandandi leiktíð, sem dómari fer gegn ráði VAR-herbergisins.
Salisbury hefur dæmt 13 úrvalsdeildarleiki á tímabilinu og starfað á öðrum í smærri hlutverkum en hann er ekki partur af neinu dómarateymi sem mætir til leiks í lokaumferðina á sunnudag.
Það vekur einnig athygli að James Bell verður í VAR-herberginu í viðureign Fulham gegn Newcastle þrátt fyrir umdeilda ákvörðun í leik Arsenal gegn Burnley. Kai Havertz fór í grófa tæklingu og fékk gult spjald frá dómara leiksins en James Bell sat í VAR-herberginu og taldi dómarann ekki hafa gert nægilega augljós mistök til að senda hann í skjáinn.
18.05.2026 16:50
Viðurkenna að dæma hefði átt mark Man Utd af
