Liverpool er reiðubúið að selja miðjumanninn Marko Grujic en hann hefur undanfarin tvö ár spilað með Hertha Berlin í Þýskalandi.
Grujic var fyrsti leikmaðurinn sem Jurgen Klopp keypti til Liverpool en hann samdi við félagið þann 6. janúar 2016.
Grujic kostaði Liverpool 5,1 milljónir punda en hann var þá á mála hjá Red Star Belgrade í serbnensku úrvalsdeildinni.
Samkvæmt miðlinum Goal þá vill Liverpool nú selja leikmanninn endanlega fyrir um 20 milljónir punda.
Hertha er líklegasti áfangastaður miðjumannsins en hann hefur spilað vel þar í láni síðustu tvö tímabil.
Borussia Monchengladbach og Eintracht Frankfurt eru þó einnig sögð vera að skoða leikmanninn.
Athugasemdir
