Heimild: RÚV
Breiðablik er á toppi Pepsi Max-deildarinnar með fullt hús stiga.
Tveir leikmenn úr kvennaliði Vals og einn leikmaður úr kvennaliði Breiðabliks eru komnar í sóttkví. Þetta kemur fram í frétt RÚV.
Það að þessir leikmenn séu komnir í sóttkví er sagt tengjast smiti sem varð hjá kvennaliði KR.
Kórónuveirusmit greindist hjá kvennaliði KR í gær og er Vesturbæjarliðið í sóttkví í þriðja sinn í sumar. KR fór í sóttkví eftir leik gegn Breiðabliki í júní þar sem smitaður leikmaður spilaði með Blikum. Á dögunum fór liðið einnig í sóttkví eftir að smit kom upp hjá aðila tengdum liðinu.
Næstu leikjum KR, þar á meðal leik gegn Breiðabliki, hefur verið frestað, en leikjum Blika og Vals verður ekki frestað. KSÍ hefur sagt að minnsta kosti fimm leikmenn verði að vera í sóttkví til að fá frestun.
Athugasemdir
