Rúnar Páll Sigmundsson þjálfari Stjörnunar
„Þetta var baráttuleikur. Mikil stöðubarátta og ekki mikið um færi. Við sköpuðum svo sem ekki mikið en vorum klaufar við að halda bolta og spila á milli okkar. Misstum boltann alltaf strax um leið og við unnum hann og vorum ekki líkir okkur sjálfum í þessum leik.en komumst yfir og skorum fallegt mark. Síðan eigum við ekkert að fá á okkur mark úr horni. Við erum búnir að verjast því vel í sumar og klaufaskapur í okkur að klára það ekki almennilega.
Sagði Rúnar Páll Sigmundsson um leikinn þegar Stjarnan gerði jafntefli við Fylki í Árbænum fyrr í kvöld.
Sagði Rúnar Páll Sigmundsson um leikinn þegar Stjarnan gerði jafntefli við Fylki í Árbænum fyrr í kvöld.
Lestu um leikinn: Fylkir 1 - 1 Stjarnan
Leikurinn hófst af krafti og voru liðin búin að næla sér í þrjú gul spjöld eftir aðeins 13 mínútna leik. Menn hafa greinilega verið vel gíraðir fyrir leik.
„Já í flestu á milli þessara liða er bölvaður fætingur og það var það í dag. Menn voru svolítið lemstraðir eftir þetta.“
Fréttaritari las greiningu frá Wyscout í grein á vísi þar sem fram kom að Stjarnan hefði fengið 6.4 stigum meira á leiktíðinni en frammistaða liðsins á vellinum gæfi tilefni til. Um þetta sagði Rúnar.
„Bara frábær tölfræði. Að við séum bestir í því að vera leiðinlegastir eða? Við förum í hvern leik til að vinna hann og sækja sem flest stig. Fengum 1 stig hér í dag og það var ekki nógu gott en við mættum bara öflugum Fylkismönnum í dag og það er bara svoleiðis.“
Viðtalið við Rúnar má sjá hér að ofan
Athugasemdir
