Romelu Lukaku komst tvisvar á blað í kvöld er Inter Milan og Sevilla áttust við í úrslitaleik Evrópudeildarinnar í Köln.
Lukaku er á mála hjá Inter en hann skoraði fyrsta mark leiksins úr vítaspyrnu þegar aðeins fimm mínútur voru liðnar.
Þegar 73 mínútur voru komnar á klukkuna þá skoraði Lukaku annað mark en að þessu sinni setti hann boltann í vitlaust net.
Lukaku potaði í boltann eftir bakfallspyrnu Diego Carlos en knötturinn var á leið framhjá og því um sjálfsmark að ræða.
Lukaku átti annars frábært tímabil fyrir Inter en hann skoraði 34 mörk í öllum keppnum fyrir félagið.
Seinna mark hans í kvöld reyndist þó sigurmarkið og fagnaði Sevilla sigri í Evrópudeildinni í sjötta sinn með 3-2 sigri.
Hér má sjá sjálfsmarkið umtalaða.
Romelu Lukaku hefur verið frábær í liði Inter Milan í allan vetur en hann var að öllum líkindum að tryggja Sevilla sigur í úrslitum Evrópudeildarinnar hér!
— Stöð 2 Sport (@St2Sport) August 21, 2020
Við tökum þó ekkert af þessari rugluðu hjólhestaspyrnu hjá Diego Carlos - sem var búinn að eiga skelfilegan leik ⚽️ pic.twitter.com/VgelRujRd5
Athugasemdir
