Byrjunarlið Víkings og Fram: Óskar og Stígur utan hóps - Tvær breytingar hjá Fram

Sölvi Geir Ottesen gerir tvær breytingar frá 7-0 sigri gegn KR í síðasta leik. Stígur Diljan Þórðarsson og Óskar Borgþórsson víkja báðir úr byrjunarliði Víkings og eru utan hóps. Í þeirra stað koma þeir Davíð Örn Atlason og Viktor Örlygur Andrason.

Rúnar Kristinsson, þjálfari Fram, gerir tvær breytingar frá síðasta leik. Róbert Hauksson tekur sér sæti á bekknum en Simon Tibbling er í leikbanni og er því utan hóps. Inn í byrjunarliðið koma þeir Magnús Þórðarson og Már Ægisson.