„Ég vill ekki vera neikvæður. Við spiluðum við gott lið í dag en mér líður samt eins og við hefðum átt að vinna. Tilfinningin er eftir því," sagði Gregg þjálfari Þór eftir markalaust jafntefli gegn Keflavík á Þórsvellinum í dag.
Lestu um leikinn: Þór 0 - 0 Keflavík
Þór er á toppi deildarinnar með 16 stig eins og Fjölnir en með betri markatölu.
„Það skiptir engu máli hvar maður er í deildinni akkúrat núna. Mikilvægast er að ná í öll þau stig sem maður getur, þannig það eru vonbrigði að ná ekki í þrjú stig í dag."
Jafnræði var með liðunum en Þór hélt betur í boltann og átti nokkur góð færi.
„Við vorum meira með boltann, hann fór tvisvar í stöngina og við komum okkur nokkrum sinnum í góðar stöður. Það er ekki spurning að strákarnir spiluðu vel í dag, unnu vel og við vorum mjög góðir varnarlega en þetta fór ekki alveg eins og við vildum. Við tókum sénsa á réttum tíma fannst mér. Ég held að Keflavík hafi komið hingað til að ná í stigið og það er allt í lagi. Þeir fengu stigið en mér fannst þeir ekkert ógna í þessar 90 mínútur."
Alvaro Montejo og Sveinn Elías fóru báðir meiddir af velli í dag.
„Það eru margir leikmenn meiddir en við erum með mjög góðan hóp af leikmönnum. Við þurfum bara að takast á við það og halda áfram. Alvaro er frá í 2-3 vikur og Sveinn Elías vonandi eitthvað aðeins styttra."
Þór á Fjölnir í næsta leik en bæði lið eru með 16 stig í fyrsta og öðru sætinu.
„Þetta eru allt stórir leikir. Við munum nálgast þann leik á nákvæmlega sama hátt og við nálgumst aðra leiki. Það sem skiptir máli í deildinni núna er stöðugleiki og það er eitthvað sem við höfum haft í síðustu leikjum og það er það sem kemur manni upp um deild. Við erum svekktir núna en verðum að horfa á það jákvæða."
Viðtalið má sjá í heild sinni hér að ofan.
Athugasemdir
