„Ég er fyrst og fremst svekktur með að hafa misst þetta niður í jafntefli en að því sögðu fannst mér við ekki spila frábæran leik í dag," sagði Arnar Grétarsson eftir 2-2 jafntefli við ÍA á Greifavellinum í dag þar sem KA komst 2-0 yfir.
Lestu um leikinn: KA 2 - 2 ÍA
KA komst í lykilstöðu á 47 mínútu þegar Guðmundur kom KA í 2-0 en ÍA kom til baka og jafnaði leikinn.
„Við gerðum nóg til að fara með þrjú stig vegna þess að ÍA var nánast ekkert að opna okkur. Ég er svekktari fyrir vikið að komast í 2-0 og fá dauðafæri til að komast í 3-0. Það var svolítill uppgjöf hjá ÍA á ákveðnum tíma en svo kveikir í þeim þetta fyrra mark. Við hefðum átt að sigla því heim þegar við vorum í 2-1 stöðunni en fáum sjálfsmark á okkur úr föstu leikatriði sem við eigum að vera mjög sterkir í. Svo fáum við aftur dauðafæri til að koma okkur í 3-2. Þetta er svona saga hjá liði sem er að ströggla að þá vantar svolítið sjálfstraust í mannskapinn og að menn séu rólegri á boltanum. Við komumst í 2-0 og við eðlilegar aðstæður hefðum við átt að sigla því heim en það var ekki raunin."
Guðmundur skorar fyrir KA á 26 mínútu en markið var dæmt af vegna sóknarbrots.
„Það hefur verið nánast sagan í gegnum alla leikina okkar að það er tekið af okkur mark. Ég veit ekki hvernig þetta var en við erum að skora mörk. Skorum á móti KR og FH sem eru dæmd af og í dag erum við að skapa okkur 3-4 mjög góð færi sem er mjög jákvætt en þeim um meira svekkjandi hvernig við létum leikinn frá okkur. Það þarf oft bara einn sigur til að koma sér af stað og það er það sem okkur vantar."
Hallgrímur Mar sem hefur verið í lykilhlutverki hjá KA byrjaði á bekknum í dag.
„Það var enginn sérstök ástæða. Þjálfararnir reyna að velja sitt besta lið hverju sinni og í dag var þetta byrjunarliðið sem við töldum vera það besta í dag og það verður bara að koma í ljós hvað verður á miðvikudaginn."
KA mætir nú Stjörnunni tvisvar á skömmum tíma. Fyrst á útivelli og síðan fjórum dögum síðar á heimavelli.
„Þetta er Covid dæmið. Það breytir í raun ekki hvaða liði þú spilar á móti í þessari deild og við höfum séð það í deildinni að það eru allir að taka stig af öllum. Þetta eru allt erfiðir leikir og við þurfum fyrst og fremst að hugsa um að við séum í standi og við séum að gera okkar. Þá ekki gefa svona mörk eins og við gáfum í dag."
Viðtalið má sjá í heild sinni hér að ofan þar sem Arnar meðal annars ræðir standið á Hauk Heiðar sem var á bekknum í dag en hann hefur verið að glíma við erfið meiðsli.
Athugasemdir
