Grindavík og Þór mættust á Grindavíkurvelli í dag í ótrúlegum fótboltaleik. Alexander Veigar Þórarinsson skoraði eina mark leiksins en það kom á 31.mínútu.
Grindavík misstu tvo menn af velli í leiknum. Gunnar Þorsteinsson fékk að líta beint rautt í byrjun leiks og síðan var Oddur Ingi Bjarnason rekinn útaf í byrjun síðari hálfleiks með sitt annað gula.
Sigurbjörn Hreiðarsson þjálfari Grindavíkur var ánægður að leikslokum.
Grindavík misstu tvo menn af velli í leiknum. Gunnar Þorsteinsson fékk að líta beint rautt í byrjun leiks og síðan var Oddur Ingi Bjarnason rekinn útaf í byrjun síðari hálfleiks með sitt annað gula.
Sigurbjörn Hreiðarsson þjálfari Grindavíkur var ánægður að leikslokum.
Lestu um leikinn: Grindavík 1 - 0 Þór
„Mín fyrstu viðbrögð eru þau að leikmenn voru geggjaðir fannst mér í þeirri vinnu. Við erum nátturulega níu. Frá 10. mínútu missum við mann útaf og svo aftur í upphafi seinni hálfleik, þannig við þurftum að múra fyrir og gerðum það frábærlega. Menn unnu vinnuna fáránlega vel og ég er hrikalega ánægður með liðið enda er liðið í frábæru standi og við sýndum það hér í dag níu inn á vellinum þannig það er gaman að geta sýnt það."
Grindvíkingar missa Gunnar Þorsteinsson útaf með beint rautt eftir tíu mínútna leik og síðan í byrjun siðari hálfleiks er Oddur Ingi Bjarnason rekinn útaf með sitt annað gula. Hvernig horfðu spjöldin við Sigurbirni?
„Seinna er annað gula. Oddur var kominn með gult og það var annað gula, það var alveg klárt mál og ekkert við því að segja. Oddur var ákafur, hann sá að markmaðurinn missti boltann og keyrði í hann og náttúrulega með gult og það var ekkert sérstaklega skynsamlegt en maður vill að leikmenn séu gráðugir í boltann. Ég hefði orðið brjálaður ef við hefðum ekki unnið þennan leik eða fengið neitt úr honum."
„Mér fannst maður vera kominn fyrir aftan Gunna en þetta metur Elli svona, það er bara eins og það er. Mér fannst halla á okkur í þessum leik. En ég tek ekkert af Ella að hann er geggjaður dómari og hefur alltaf verið og er einn af mínum uppáhalds og ég er ótrúlega ánægður með hann sé í deildinni en mér fannst hann ekki ná sér á strik í dag en það breytir ekki neinu við unnum leikinn í dag,"
Grindvíkingar eru núna komnir með tvo sigurleiki í röð og það hlýtur að gefa þeim byr undir báða vængi fyrir seinni umferðina.
„Já klárt, það er bara þannig. Við þurftum að vinna þennan leik og gerðum það. Þetta er bara einn leikur og við hugsum bara um einn leik."
Viðtalið í heild sinni má sjá í sjónvarpinu hér að ofan.
Athugasemdir
