Rúnar Már í landsleik.
Miðjumaðurinn Rúnar Már Sigurjónsson var á skotskónum fyrir Astana í úrvalsdeildinni í Kasakstan í dag.
Rúnar Már kom Astana á bragðið með marki af vítapunktinum í uppbótartíma fyrri hálfleiks.
Astana gekk svo frá leiknum í síðari hálfleiknum og lokaniðurstaðan 2-0 sigur gegn Okzhetpes á heimavelli. Rúnar Már var tekinn af velli stuttu eftir síðara markið, á 83. mínútu.
Astana hefur spilað fjóra deildarleiki á tímabilinu og er með tíu stig, fimm stigum á eftir toppliði Almaty sem hefur spilað tveimur leikjum meira.
