Freddie Ljungberg, sænskur þjálfari og fyrrum kantmaður, hefur ákveðið að yfirgefa Arsenal.
Ljungberg stýrði U15 og U23 liðum Arsenal samhliða hlutverki aðstoðarþjálfara. Hann tók við liðinu sem bráðabirgðarstjóri eftir að Unai Emery var rekinn í fyrra. Ljungberg stýrði Arsenal í nokkra leiki áður en Mikel Arteta tók við.
Ljungberg er 43 ára gamall og yfirgefur Arsenal til að leita á önnur mið. Mögulegt er að hann leitist eftir starfi sem knattspyrnustjóri hjá öðru félagi.
„Við verðum Freddie ævinlega þakklátir fyrir allt sem hann hefur gert fyrir félagið, bæði sem leikmaður og þjálfari. Það gerir okkur leiða að sjá hann fara en við óskum honum alls hins besta í framtíðinni," sagði Edu, tæknilegur ráðgjafi hjá Arsenal og fyrrum liðsfélagi Ljungberg hjá félaginu frá 2001 til 2005.
I have decided to leave my first team assistant coaching role at @Arsenal to progress my management experience. I have been involved with this club on and off since 1998 and am grateful for all the opportunities they have given me both as a player and as a coach. pic.twitter.com/KZjIeVFaB4
— Freddie Ljungberg (@freddie) August 22, 2020
Athugasemdir
