Grindavík og Þór mættust á Grindavíkurvelli í dag í ótrúlegum fótboltaleik. Alexander Veigar Þórarinsson skoraði eina mark leiksins en það kom á 31.mínútu.
Grindavík misstu tvo menn af velli í leiknum. Gunnar Þorsteinsson fékk að líta beint rautt í byrjun leiks og síðan var Oddur Ingi Bjarnason rekinn útaf í byrjun síðari hálfleiks með sitt annað gula.
Páll Viðar Gíslason, þjálfari Þórs var svekktur að leikslokum.
Grindavík misstu tvo menn af velli í leiknum. Gunnar Þorsteinsson fékk að líta beint rautt í byrjun leiks og síðan var Oddur Ingi Bjarnason rekinn útaf í byrjun síðari hálfleiks með sitt annað gula.
Páll Viðar Gíslason, þjálfari Þórs var svekktur að leikslokum.
Lestu um leikinn: Grindavík 1 - 0 Þór
„Já ég meina, það sáu það allir sem vildu sjá að okkur var ekki ætlað að skora hérna í dag. Við beittum ýmsum ráðum og dáðum. Við dominatuðum allan leikinn. Fengum á okkur mjög ódýrt mark og það var það sem skyldi að í dag en vissulega ömurlegt að fá ekkert út úr þessum leik."
Þórsararnir voru einum manni fleiri frá tíundu mínútu leiksins og síðan tveimur mönnum mönnum fleiri frá 50 mínútu. Páll var spurður hvort það væri ekki pirrandi að fá ekkert út úr leiknum í dag.
„Já enda herjuðum við á þá allan tíman vorum 99% með boltann en mörkin telja og við náðum ekki að skora þrátt fyrir skot í slá og stöng og hvað þetta var allt saman. Auðvitað er það svekkjandi að fá ekkert út úr þessum leik."
„Þetta er ekki fyrsti leikurinn sem við náum ekki að skora þegar við erum með yfirburði á vellinum hvað svo sem andstæðingarnir eru margir inn á en þetta er bara eitthvað sem við þurfum að lifa við og vonandi getum við bætt aðeins í og ná fram úrslitum þrátt fyrir að anstæðingurinn missi mann útaf. Átta eða tíu í svona leik þar sem maður sá fljótlega að þetta var einn af þessum leikjum sem okkur var ekki ætlað að skora en ég held að leikmenn hafi lagt sig alla fram og gert það sem var beðið en það vantaði þennan herslumun."
Viðtalið í heild sinni má sjá í sjónvarpinu hér að ofan.
