Viðar Örn í landsleik.
Viðar Örn Kjartansson er án félags þessa stundina og miðað við fréttaflutning frá Norðurlöndum er mikill áhugi á honum á þeim slóðum.
Þessi 30 ára gamli framherji var lánaður frá Rostov til Yeni Malatyaspor í janúar en hann lék 15 leiki í tyrknesku úrvalsdeildinni og skoraði tvö mörk ásamt því að leggja upp eitt.
Yeni nýtti sér forkaupsréttinn á Viðari í sumar en félagið hefur verið að glíma við fjárhagsvandræði eftir að það féll niður í B-deildina og náði þvi Viðar samkomulagi við Yeni um að hann gæti farið fra liðinu.
Hann er því í leit að nýju félagi núna. Hann hefur verið orðaður við endurkomu til Hammarby í Svíþjóð og segir Fotbolldirekt.se í Svíþjóð að Malmö hafi einnig áhuga á honum. Hann raðaði inn mörkunum fyrir bæði þessi félög þegar hann var þar.
Einnig segir vefsíðan að félög frá Noregi og Danmörku hafi áhuga honum. Orri Rafn Sigurðarson, íþróttalýsandi á Viaplay, segir að Bröndby sé eitt af þeim félögum.
Brøndby er interesseret i angriberen Viðar Örn Kjartansson. Han ved hvordan man skal scorer i skandinavien, og har en fantastisk scoringsrekord både i Norge og sverige. Han er god til at afslutte og er altid på rigtige sted i boksen. #sldk
— Orri Rafn Sigurdarson (@OrriRafn) August 22, 2020
Athugasemdir
