Willian, nýr leikmaður Arsenal, er mættur til félagsins til að vinna Meistaradeildina að eigin sögn.
Willian gerði þriggja ára samning við Arsenal á dögunum en hann kom til félagsins á frjálsri sölu frá Chelsea.
Það er markmið Willian og Mikel Arteta, stjóra Arsenal, að vinna deild þeirra bestu á næstu þremur árum.
„Þegar ég ræddi við stjórann þá sagði hann mér af hverju hann þurfti á mér að halda í þrjú ár," sagði Willian.
„Fyrst vill hann komast í Meistaradeildina og svo vinna hana áður en ég yfirgef félagið. Það er það sem ég vildi heyra."
„Ég var hjá Chelsea í sjö ár og vann allt fyrir utan Meistaradeildina. Vonandi færa þessi félagaskipti mér bikarinn sem ég hef ekki unnið."
Athugasemdir
