Sænska liðið vann stórsigur á Lettum - Úrslitaleikur á þriðjudag

Svíþjóð og Lettland mættust í Svíþjóð í kvöld í undankeppni fyrir EM kvenna. Leikurinn var sjötti leikur sænska liðsins og sjöundi leikur þess lettneska.

Svíþjóð og Ísland eru efstu lið riðilsins og eftir leikinn í kvöld leiðir Svíþjóð riðilinn með þremur stigum. Sænska liðið hefur þá skorað ellefu mörkum meira en það íslenska og bæði lið hafa einungis fengið á sig tvö mörk.

Ísland mætir Svíþjóð á Gamla Ullevi næsta þriðjudag og þarf væntanlega á sigri að halda til að eiga möguleika á toppsætinu. Toppsætið gefur farseðil í lokakeppnina en auk þess er hægt að komast beint í keppnina með því að vera eitt af stigahæstu liðunum í 2. sæti.