„Mjög sáttur,“ sagði Guðmundur Atli Steinþórsson en hann skoraði bæði mörk HK í 1-2 sigri á KA. „Þetta er mjög gott KA lið og ég er mjög ánægður með að fara úr Þorpinu með þrjú stig“
Lestu um leikinn: KA 1 - 2 HK
Sigurmark guðmundar í kvöld var alveg sérstaklega laglegt. Hann tók við boltann á miðjum vallarhelmingi KA, snéri sér við og smurði svo boltann beint í samskeytin, óverjandi fyrir Fannar Hafsteinsson í marki KA.
„Þetta var mjög út úr karakter, þetta var með hægi löppinni. Ég hef aldrei skorað á æfingu með hægri þannig að þetta var mjög ánægjulegt.“
Eftir þrjár umferðir eru nýliðar HK taplausir með sjö stig, er það umfram væntingar?
„Ég veit það ekki, hvað á maður að segja, við vitum alveg að við erum góðir í fótbolta. Ég mundi segja að þetta sé fram úr væntingum en við erum samt góðir.“
Nánar er rætt við Guðmund Atla í sjónvarpinu hér að ofan
