Landsliðskonan Hildur Antonsdóttir er mætt í núverandi landsliðsverkefni í góðu formi eftir að hafa fest sig í sessi með spænska liðinu Madrid CFF í efstu deild. Hún segir lífið í Madríd bæði skemmtilegt og lærdómsríkt þar sem hún lifir drauminn sem atvinnumaður í fótbolta.
„Það er æðislegt, ég elska að búa í Madríd og mæli ekkert eðlilega mikið með að koma í heimsókn til Madríd. Að búa á Spáni er geggjað og að spila fótbolta á Spáni hefur svo sem alltaf verið draumurinn minn.“
Hún segir daglegt líf einfalt en gott.
„Vakna og fara á æfingu náttúrlega. Klára það um eftirmiðdaginn, svo bara fer ég heim og slaka á.“
Hún segir spænska deildin setja miklar kröfur á leikmenn.
„Sterk lið og sterkir leikmenn. Þetta eru flest allt hraðir og snöggir leikmenn, þannig varnarlega séð þá þarf ég að vera mjög mikið á tánum þar.“
Að hennar sögn hefur það hjálpað henni í landsliðinu.
„Svo aftur á móti hefur maður líka minni tíma á boltann þar, þannig þegar maður er að halda í boltann þá er maður vanari því en ekki.“
Í landsliðinu fær hún að spila með fyrirliðanum Glódísi sem hún ber mikla virðingu fyrir.
„Það er bara geggjað og bara algjör forréttindi að hafa hana í liðinu okkar. Getur ekki fundið betri fyrirliða held ég.“
Hún vonast til að sjá hana lengi áfram í landsliðinu.
„Ég vona það bara fyrir hönd Íslands sko.“
