Lúkas Logi að fagna jöfnunarmarkinu gegn ÍBV. Einstaklega vel afgreitt í þokkabót.
Valsmenn unnu sinn fyrsta alvöru sigur í kvöld þegar liðið lagði ÍBV 2-1 á Hlíðarenda í dag. Lúkas Logi var maður leiksins og lék á alls oddi á miðjunni. En hvernig leið honum eftir leik?
„Mér líður bara mjög vel og flott að koma þremur stigum í hús og við þurfum að byggja ofan á þetta."
Hvernig fannst honum frammistaða liðsins?
„Heilt yfir bara jákvætt, vinnum sem lið og klárum leikinn saman og tökum þrjú stig með okkur heim."
„Mér líður bara mjög vel og flott að koma þremur stigum í hús og við þurfum að byggja ofan á þetta."
Hvernig fannst honum frammistaða liðsins?
„Heilt yfir bara jákvætt, vinnum sem lið og klárum leikinn saman og tökum þrjú stig með okkur heim."
Lestu um leikinn: Valur 2 - 1 ÍBV
Hvernig upplifði Lúkas Logi eigin frammistöðu í leiknum?
„Upp og niður og þetta var mest megnis liðsframmistaða. Mér fannst allir góðir í dag. Allir að hjálpast að og tala mikið saman, jákvæðni og við siglum þessu allir saman heim."
Jöfnunarmarkið sem Lúkas Logi skoraði í kvöld var einstaklega vel gert þegar hann fær boltann inni í teig og með tvo varnarmenn ÍBV að vakta hann. Þrátt fyrir það tekst honum að gabba þá báða sem og Marcel Zapytowski í markinu.
„Ég tek snertinguna og ég sé að þeir eru mjög ákveðnir að koma á mig og þá tek ég boltann framhjá þeim. Ég geri þetta mikið á æfingum og þá tek ég þetta bara í klofið á manninum sem er næst manni."
Sjáðu viðtalið í heild í spilaranum hér að ofan.
