Úrvalsdeildin í eFótbolta er í fullum gangi þessa dagana þar sem enska úrvalsdeildin er stopp vegna kórónuveirunnar.
Úrvalsdeildarfélög völdu einn leikmann úr hverju liði til að spila fyrir sína hönd í FIFA 20 móti á netinu. Þar mætast fótboltastjörnurnar í útsláttarkeppni til að skera úr um hver er besti FIFA spilari deildarinnar.
Fjórir leikir fóru fram í 16-liða úrslitum í gær og var skemmtilegast að fylgjast með viðureign Diogo Jota, framherja Úlfanna, og Wilfred Ndidi, miðjumanni Leicester.
Jota vann leikinn 8-2 og skoraði þrennu með sjálfum sér.
Lys Mousset (Sheffield Utd) rúllaði yfir Todd Cantwell (Norwich) og mun mæta Diogo Jota í 8-liða úrslitum.
Frakkinn Neal Maupay (Brighton) lagði þá Danann Philip Billing (Bournemouth) að velli og mætir Dwight McNeil í 8-liða.
McNeil (Burnley) lagði söngvarann Josh Franceschi (Arsenal) að velli.
8-liða úrslit:
Diogo Jota (Wolves) - Lys Mousset (Sheffield Utd)
Neal Maupay (Brighton) - Dwight McNeil (Burnley)
Trent Alexander-Arnold (Liverpool) - Christian Atsu (Newcastle)
Andre Gomes (Everton) - Raheem Sterling (Man City)
Athugasemdir