Cesc Fabregas segist hafa farið frá Arsenal til Barcelona árið 2011 þar sem hann var meðal annars ósáttur við hugarfarið hjá flestum liðsfélögum sínum. Hinn 32 ára gamli Fabregas spilar í dag með Mónakó en hann lék yfir 300 leiki með Arsenal á sínum tíma áður en hann fór aftur til Barcelona.
„Ég var fyrirliði, ég fann alltaf fyrir mikilli pressu á sjálfan mig. Ég varð að leiða liðið í að vinna eitthvað. Ég gaf allt. Stundum fór ég heim að gráta eftir leiki sem við töpuðum," sagði Fabregas í viðtali við arseblog.com.
„Ég varð að þjást. Ég átti svefnlausar nætur eftir leiki. Ég var eyðilagður í rútunni eftir tapleiki og heyrði suma aðra leikmenn vera að hlæja og hugsa um hvert þeir ættu að fara út á lífið."
„Þetta gekk á í nokkur ár. Við spiluðum fallegan fótbolta og það var eitthvað sem ég kunni vel við en ég setti pressu á sjálfan mig að leiða liðið og gera allt sem ég gæti. Á ákveðnum tímapunkti var ég frekar einmanna."
„Sérstaklega síðustu tvö eða þrjú árin. Mér fannst Robin (van Persie) og Samir (Nasri) vera einu leikmenninrir sem voru á sama stað og ég andlega og tæknilega. Það er ekki hrokafullt að segja þetta."
Athugasemdir