Bráðefnilegur Vuskovic til Tottenham (Staðfest)
Mynd: Getty Images
Mynd: Getty Images
Tottenham er búið að staðfesta samkomulag við táninginn efnilega Luka Vuskovic og félag hans í Króatíu, Hajduk Split.
Vuskovic er aðeins 16 ára gamall og verður dýrasti varnarmaður sögunnar í sínum aldursflokki þar sem Tottenham er talið greiða um 12 milljónir punda fyrir.
Hann gengur ekki í raðir Tottenham fyrr en eftir tvö ár, þegar hann verður orðinn 18 ára gamall.
Það voru fleiri félög áhugasöm en Vuskovic vildi ólmur ganga í raðir Tottenham, líkt og samlandi sinn og nafni Luka Modric gerði fyrir fimmtán árum síðan. PSG og Manchester City eru meðal félaga sem vildu fá Vuskovic í sínar raðir.
Vuskovic er lykilmaður í U17 landsliði Króatíu og er 193cm á hæð.
