Neil Warnock er mörgum knattspyrnu áhugamönnum kunnugur en hann er fyrrum þjálfari sem hefur þjálfað ótal félög á Englandi meðal annars nokkur í Úrvalsdeildinni.
Warnock er hættur þjálfun en hann þjálfaði síðast Middlesbrough í Championship deildinni áður en hann settist í helgan stein í fyrra. Hann mætti í vinsæla hlaðvarpsþáttinn „Jackmaate's Happy Hour" meðal annars til þess að auglýsa nýja hlaðvarpsþáttin sinn sem mun heita „Die for three points".
Í þessu viðtali var Warnock spurður út í hverjir voru hans uppáhalds leikmenn eða hverja var auðveldast að þjálfa á ferlinum. Þar minnist hann á nokkra leikmenn en meðal þeirra var Aron Einar Gunnarsson sem hann þjálfaði í Cardiff á árunum 2016-19 og Heiðar Helguson sem hann þjálfaði í QPR á árunum 2010-12.
Þetta hafði hann að segja um Aron Einar „Vá Gunnarsson var maður, þú myndir vilja hafa hann með þér í skotgröfunum".
