Páll Gíslason var ánægður með 1-5 sigur á ÍH nú í kvöld. Hann hrósaði ÍH eftir leikinn sem var jafn lengst af.
„Þeir uppskáru jöfnunarmark í fyrri hálfleik eftir eina af mörgum aukaspyrnum sem við vorum að gefa þeim fyrir utan teig.“ Leikurinn var jafn eftir það og hefðu ÍH í nokkur skipti getað jafnað með heppni. „Ég held að þetta hafi snúist um hvenær við myndum skora þriðja markið,“ sagði Páll.
Sveinn Elías var frábær í kvöld og skoraði tvö mörk en hann spilaði á kantinum eftir að hafa verið í bakverðinum í Pepsideildarleikjum Þórs. „Það er sennilega hægt að túlka það þannig að það hafi verið mistök að hafa þá leikmenn í þeim stöðum sem þeir spiluðu þegar við töpum. Það er þannig.“
Aðspurður hverja Páll vill fá í næstu umferð sagði hann að það yrði gaman að fá Blikana og Gumma Ben á Þórsvöll.
