Toney og David á blaði Man Utd - Bayern vill varnarmann Liverpool - Chelsea endurvekur áhuga á Duran - Luiz nálgast Juventus
   mán 27. maí 2024 20:31
Brynjar Ingi Erluson
Chelsea búið að bjóða Adarabioyo samning
Mynd: Getty Images
Chelsea hefur sent enska varnarmanninum Tosin Adarabioyo samningstilboð en þetta kemur fram á Sky Sports í kvöld.

Adarabioyo, sem er 26 ára gamall, yfirgefur Fulham þegar samningur hans við félagið rennur út í næsta mánuði.

Newcastle United var talið leiða baráttuna um miðvörðinn en það hefur átt í viðræðum við hann síðustu daga.

Sky Sports segir nú að Chelsea sé búið að blanda sér í baráttuna en félagið hefur sent honum formlegt samningstilboð.

Chelsea vill fá varnarmann inn fyrir Thiago Silva sem er á leið aftur til Brasilíu.

Adarabioyo lék alls 20 deildarleiki fyrir Fulham á síðustu leiktíð og skoraði tvö mörk.
Athugasemdir
banner
banner