Tottenham mætir Newcastle í öðrum leik dagsins í ensku úrvalsdeildinni. Leikurinn er liður í 3. umferð deildarinanr og fer fram á heimavelli Tottenham, leikurinn hefst klukkan 13:00.

Tottenham vann sannfærandi sigur á Southampton um síðustu helgi á meðan Newcastle steinlá gegn Brighton.

Jose Mourinho, stjóri Tottenham, gerir eina breytingu frá síðustu umferð. Inn kemur Giovani Lo Celso fyrir Tanguy Ndombele. Dele Alli er ekki í leikmannahópi Tottenham í dag. Hann hefur verið orðaður burt frá félaginu.

Steve Bruce, stjóri Newcastle, gerir þrjár breytingar. Janal Lewis, Andy Carroll og Allan Saint-Maximin eru ekki í byrjunarliðinu og inn koma þeir Matt Ritchie, Miguel Almiron og Joelinton. Maximin er meiddur en Lewis og Carroll eru á bekknum.

Uppfært 12:34: Gedson tekur sæti Moussa Sissoko á bekknum hjá Spurs þar sem Sissoko er veikur.