Magnamenn unnu Tindastól, 4-1, í Boganum. Tómas Örn Arnarson skoraði tvö fyrir Magna.

Á lokamínútum leiksins sá David Bercado sitt annað gula spjald og þar með rautt. Í kjölfarið fékk Ísak Sigurjónsson einnig rauða spjaldið hjá Stólunum.

Magni er í öðru sæti D-riðils með 6 stig eftir þrjá leiki en Tindastóll án stiga í neðsta sætinu.

Í B-riðli unnu Selfyssingar 2-0 sigur á KFG. Elvar Orri Sigurbjörnsson skoraði bæði mörkin og sá til þess að Selfoss sé áfram með fullt hús stiga eftir þrjá leiki.

Víkingur Ólafsvík fór illa með Sindra í sama riðli en lokatölur þar urðu 5-1 Ólsurum í vil. Asmer Begic skoraði tvö fyrir Ólsara sem eru í öðru sæti með 6 stig, þremur stigum á eftir Selfossi, en KFG er í 4. sæti með 3 stig og Sindri án stiga í næst neðsta sæti.

Úrslit og markaskorarar:

Magni 4 - 1 Tindastóll
1-0 Daníel Smári Sveinsson ('49, sjálfsmark )
2-0 Tómas Örn Arnarson ('63 )
3-0 Tómas Örn Arnarson ('82 )
4-0 Sigurður Hrafn Ingólfsson ('85 )
4-1 Benjamín Jóhannes Gunnlaugarson ('86 )
Rautt spjald: David Bercedo ('90, Tindastóll), Ísak Sigurjónsson ('90, Tindastóll)

KFG 0 - 2 Selfoss
0-1 Elvar Orri SIgurbjörnsson ('26 )
0-2 Elvar Orri Sigurbjörnsson ('53 )

Sindri 1 - 5 Víkingur Ó.
1-0 Emir Mesetovic ('20 )
1-1 Kolbeinn Tumi Sveinsson ('29 )
1-2 Ellert Gauti Heiðarsson ('33 )
1-3 Asmer Begic ('42 )
1-4 Asmer Begic ('51 )
1-5 Haukur Smári Ragnarsson ('89 )