Þorri Stefán.
Lúðvík Gunnarsson.
Þorri Stefán Þorbjörnsson hefur ekki alltaf verið miðvörður. Þessi stæðilegi leikmaður var áður framherji en færði sig niður í miðvörðinn eftir unglingalandsliðsverkefni.
Þorri, sem verður 18 ára seinna á árinu, ræddi við Fótbolta.net um helgina og fór yfir málið.
Þorri, sem verður 18 ára seinna á árinu, ræddi við Fótbolta.net um helgina og fór yfir málið.
„Ég var ´striker´ í yngri flokkunum, upp í 3. flokk, geggjaður ´striker´," sagði Þorri og brosti.
En af hverju varð hann þá allt í einu hafsent?
„Af því ég er betri hafsent. Menn sem eru ekki alveg með þetta markanef eru stundum færðir niður í hafsentinn og eru góðir þar. Það gekk upp fyrir mig. Ég spilaði hafsent í landsliðsferð og spilaði fínt. Ég ákvað þá að taka þessa leið og það hefur virkað hingað til."
„Lúlli (Lúðvík Gunnarsson) og Óli (Ólafur Ingi Skúlason) voru þjálfararnir í þessari ferð. Ætli Lúlli hafi ekki séð þetta, ég mætti á einhverjar úrtaksæfingar og var þar sem vinstri bakvörður. Spilaði svo hálfleik þar og hálfleik í hafsent í fyrsta leik og svo heilan leik í hafsent í næsta leik á eftir. Ég held þeir hafi séð að þetta væri staðan fyrir mig."
„Ég var strax sáttur við að vera kominn aftast. Mér finnst ekkert eðlilega gaman að vinna tæklingar og vera kítast í mönnum. Það er alveg gaman að vera framherji og skora mörk, en ég get ekki kvartað," sagði Þorri.
Í 4. flokki árið 2020 skoraði Þorri 6 mörk (10 leikir) sem framherji A-liðs Fram og 2021 skoraði hann 10 mörk (13 leikir) sem framherji B-liðs 3. flokks.
Athugasemdir
