Keown: Arsenal hakar við öll meistaraboxin

Martin Keown í viðtali við Fótbolta.net.

Mynd: Fótbolti.net - Hafliði Breiðfjörð

Æsispennandi titilbarátta.

Mynd: Getty Images

Martin Keown í viðtali við Fótbolta.net.

Mynd: Fótbolti.net - Hafliði Breiðfjörð

Martin Keown, fyrrum varnarmaður Arsenal, segir að sigur Arsenal gegn Manchester United í gær sýni að liðið hafi allt sem þarf til að verða Englandsmeistari.

„Þeir haka við öll boxin. Þeir sýndu hugarfar sem þarf, geta tekið stjórn á leiknum og haldið út með varnaraga og ákveðni. Það hefur gert það að verkum að átján sinnum hefur liðið náð að halda marki sínu hreinu í deildinni á þessu tímabili," segir Keown.

„Á mínum tíma hjá Arsenal þýddi það að vinna á Old Trafford að við myndum líka vinna titilinn. Við verðum að bíða og sjá hvort sú verði raunin í ár en Arsenal hefur sýnt mikinn þroska og að liðið er betri í að yfirstíga hindranir en í fyrra."

Arsenal er í spennandi einvígi við Manchester City um Englandsmeistaratitilinn en eftir úrslitin í gær er ljóst að úrslit munu ekki ráðast fyrr en í lokaumferðinni.

TENGT EFNI12.05.24 - 17:25

England: Trossard skaut Arsenal á toppinn

„Liðið hefur unnið fimmtán af sautján síðustu úrvalsdeildarleikjum og gert það eins erfitt og mögulegt er fyrir Manchester City að verja titil sinn. Pressan fyrir leikinn gegn United var á Arsenal og maður gat séð spennustigið á spilamennskunni."

Það kemur kannski ekki á óvart að gamli miðvörðurinn segir að lykillinn að velgengni Arsenal sé öflugur varnarleikur og þar hefur miðvarðaparið Gabriel og William Saliba verið framúrskarandi.

Arsenal er með eins stigs forystu á Manchester City sem á tvo leiki eftir á meðan Arsenal á einn. City heimsækir Tottenham á morgun og leikur svo gegn West Ham á heimavelli í lokaumferðinni á sunnudag. Arsenal leikur gegn Everton á heimavelli á sama tíma.

Æsispennandi titilbarátta.

Mynd: Getty Images

Premier league - karlar

#	Lið	L	mun	Stig
1	Man City	6	+11	18
2	Arsenal	6	+5	15
3	Brighton	6	+13	13
4	Brentford	6	+6	10
5	Everton	6	+3	10
6	Chelsea	6	+2	10
7	Leeds	6	+3	9
8	Hull City	6	+2	9
9	Liverpool	6	0	9
10	Ipswich Town	6	-3	9
11	Newcastle	6	-3	8
12	Crystal Palace	6	-3	7
13	Man Utd	6	0	6
14	Coventry	6	-6	6
15	Nott. Forest	6	-3	5
16	Aston Villa	6	-5	5
17	Sunderland	6	-6	4
18	Bournemouth	6	-6	3
19	Tottenham	6	-6	3
20	Fulham	6	-4	2