Udinese hefur verið í fallbaráttu allt tímabilið og reynir nú allt til þess að bjarga sér frá falli.

Mörk Lorenzo Lucca og Lazar Samardzic í kvöld komu Udinese upp úr fallsæti og í 15. sæti.

Liðið er nú einu stigi fyrir ofan fallsæti fyrir síðustu tvær umferðir deildarinnar, en barátta þeirra er hvergi nærri lokið. Liðið á eftir að mæta Empoli og Frosinone, sem eru bæði í fallbaráttu. Það má því búast við mikilli spennu í síðustu umferðunum.

Fiorentina vann á meðan 2-1 sigur á Monza. Bosníski framherjinn Milan Djuric skoraði fyrir Monza á 9. mínútu en Fiorentina tókst að snúa taflinu með með mörkum frá Nicolas Gonzalez og Arthur Melo.

Fiorentina er nú komið upp fyrir Napoli og í 8. sæti deildarinnar, sem gefur þátttökurétt í Sambandsdeild Evrópu.

Úrslit og markaskorarar:

Fiorentina 2 - 1 Monza
0-1 Milan Djuric ('9 )
1-1 Nicolas Gonzalez ('32 )
2-1 Arthur Melo ('78 )

Lecce 0 - 2 Udinese
0-1 Lorenzo Lucca ('36 )
0-2 Lazar Samardzic ('85 )