John McGinn
John McGinn, fyrirliði Aston Villa, var stoltur af endurkomu liðsins í 3-3 jafnteflinu gegn Liverpool í kvöld, en á morgun munu leikmenn skipta um búning og styðja við bakið á Manchester City.
Stigið gerir ekki mikið fyrir Villa, sem þarf nú að treysta á að Tottenham taki ekki sigur gegn Manchester City á morgun.
„Frábært framlag í lok leiks. Við höfðum heppnina aðeins með okkur, en síðustu vikur hafa verið erfiðar og strákarnir verið að spila í gegnum sársaukann. Þessi staður kom okkur í gang,“ sagði McGinn.
Jhon Durán kom inn af bekknum á 81. mínútu og skoraði tvö mörk á sjö mínútum. Það færði Villa stig, sem vildi þó fá öll þrjú stigin til að tryggja Meistaradeildarsætið, en stig verður að duga.
„Stóri Jhon getur stundum verið rosalega klikkaður. Hann er alger martröð að spila gegn, en kannski ekki erfitt fyrir okkur sem leikmenn.“
Á morgun er líklega stærsti leikur tímabilsins fyrir Aston Villa, Arsenal, Manchester City og Tottenham.
Ef Man City vinnur Tottenham þá fer Villa í Meistaradeildina. Það myndi líka svo gott sem gera út um vonir Arsenal á að vinna ensku úrvalsdeildina. Það verða því öll augu á þeim leik.
„Það eru nokkrir hérna sem hafa aldrei verið nálægt því að spila í Meistaradeildinni. Stjórinn er með hugarfar sem býður ekki upp á afsakanir. Fólk hefur afskrifað okkur og við náðum að fljóta undir radarnum. Við munum klæðast treyju Manchester City á morgun,“ sagði McGinn.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
