PSG er franskur meistari þrátt fyrir að tímabilið klárist ekki.
Það var staðfest í dag að Paris Saint-Germain er franskur meistari þrátt fyrir að deildarkeppnin þar verði ekki kláruð vegna kórónuveirunnar.
Tíu umferðir voru eftir í Frakklandi en PSG var með tólf stiga forskot á toppnum þegar keppni var hætt.
Tíu umferðir voru eftir í Frakklandi en PSG var með tólf stiga forskot á toppnum þegar keppni var hætt.
Meira en 24 þúsund manns hafa látist í Frakklandi vegna veirunnar og tileinkar PSG heilbrigðisstarfsfólki titilinn. „Við viljum tileinka 2019/20 titilinn til heilbrigðisstarfsfólks og allra þeirra hetja sem eru í fremstu víglínu," segir Nasser Al-Khelaifi, stjórnarformaður Parísarfélagsins.
„Við skiljum, virðum og styðjum ákvarðanir franskra stjórnvalda að enda mótið. Heilsa fólk verður að vera, eins og frönsk stjórnvöld hafa alltaf sagt, í forgangi."
„Ég vil þakka leikmönnunum, þjálfaranum og öllu öðru starfsfólki félagsins fyrir magnaða vinnu þeirra. Þessi titill fyrir þá miklu vinnu. Ég vona að þessi titill gefi stuðningsmönnunum ánægju og von á þessum erfiðu tímum."
Athugasemdir
