Guðjón á hliðarlínunni í kvöld.
,,Við vorum mjög daprir og það gekk illa að byrja leikinn. Eftir að við lendum 2-0 undir voru menn desperate að komast inn í leikinn en við vorum aldrei nógu góðir og það voru aldrei nógu góðir spilkaflar," sagði Guðjón Þórðarson þjálfari BÍ/Bolungarvíkur eftir 3-0 tap gegn HK á Kópavogsvelli í dag.
Lestu um leikinn: HK 3 - 0 BÍ/Bolungarvík
,,Það var kafli í fyrri hálfleik þar sem við héldum þeim djúpt niðri á sínum helming, en tilraunirnar voru fáar og þær tilraunir sem komu nýttust illa, við vorum bara daprir."
,,Menn áttu að koma miklu sterkari, kannski sitja tveir síðustu leikir í mönnum, ég veit það ekki. Menn eru þreyttir en engu að síður hefur þetta verið saga sumarsins. Þegar við lendum í leikjum þar sem við eigum að geta sótt til sigurs eru menn ekki rétt stemmdir og telja sig komast upp með að leggja ekki á sig þá vinnu sem til þarf og það var raunin í dag."
,,Ég veit ekki hvað það er, hvort menn haldi að þeir geti hlíft sér eða komist upp með minni vinnu. Í fyrri hálfleik skoppaði boltinn milli tveggja blárra skyrtna, þeir litu hvor á annan til að gá hvort hinn ætlaði ekki að gera eitthvað. Svo kom hvít skyrta inn á milli og tók af skarið og hirti af mönnum. Ef þú ætlast til þess að einhver annar vinni vinnuna þína inni á vellinum þá gerast þessir hlutir sem gerðust í dag."
Nánar er rætt við Guðjón í sjónvarpinu að ofan.
