Coventry vann sér sæti í úrvalsdeildina í síðustu umferð og lauk þar með 25 ára eyðimerkurgöngu í neðri deildunum.

Liðið blés síðan til veislu á Coventry Building Society-leikvanginum í Coventry í kvöld.

Haji Wright kom Coventry yfir áður en Ephron Mason-Clarke bætti við öðru í upphafi síðari hálfleiks. Regan Poole, varnarmaður Portsmouth, setti boltann í eigið net tólf mínútum síðar. Adrian Segecic minnkaði muninn áður en Mason-Clarke gerði fjórða markið. Kaine Kesler-Hayden gerði út um leikinn á lokamínútunum við mikinn fögnuð heimamanna.

Coventry er því með 89 stig, tíu stigum meira en Millwall sem er í öðru sætinu. Ipswich er með 76 stig í þriðja sæti og á tvo leiki til góða, en getur ekki náð Coventry.

Leicester City, sem féll úr úrvalsdeildinni á síðasta ári, er fallið niður um deild annað árið í röð.

Sex stig voru dregin af liðinu á tímabilinu fyrir að brjóta fjárhagsreglur ensku úrvalsdeildarinnar á síðasta ári. Það vann aðeins tvo leiki eftir áramót.

Í kvöld þurfti liðið sigur til þess að eiga möguleika á að halda sér uppi. Það lenti 1-0 undir en kom til baka með mörkum frá James Justin og Luke Thomas, en Oli McBurnie jafnaði metin á 63. mínútu og gerði markið sem sendi Leicester niður í C-deildina.

Agalegt hjá Leicester sem varð Englandsmeistari fyrir tíu árum síðan.

Wrexham marði 1-0 sigur á Oxford United og er í umspilssæti með 70 stig þegar tvær umferðir eru eftir. Wrexham á að vísu eftir að mæta deildarmeisturum Coventry og síðan toppbaráttuliði Middlesbrough.

Stoke City 1 - 3 Millwall
0-1 Camiel Neghli ('20 )
0-2 Femi Azeez ('55 )
1-2 Caleb Taylor ('60 , sjálfsmark)
1-3 Josh Coburn ('69 )

QPR 1 - 2 Swansea
0-1 Ronald Pereira Martins ('2 )
0-2 Zan Vipotnik ('80 , víti)
1-2 Rhys Norrington-Davies ('90 )

Coventry 5 - 1 Portsmouth
1-0 Haji Wright ('12 )
2-0 Ephron Mason-Clark ('47 )
3-0 Regan Poole ('50 , sjálfsmark)
3-1 Adrian Segecic ('69 )
4-1 Ephron Mason-Clark ('76 )
5-1 Kaine Kesler-Hayden ('90 )

Southampton 2 - 2 Bristol City
0-1 Ryan Manning ('5 , sjálfsmark)
1-1 Cyle Larin ('29 )
1-2 Sam Bell ('63 )
2-2 Ross Stewart ('74 )

Oxford United 0 - 1 Wrexham
0-1 Josh Windass ('40 )

West Brom 3 - 0 Watford
1-0 Isaac Price ('21 )
2-0 Daryl Dike ('41 )
3-0 Danny Imray ('69 )

Leicester City 2 - 2 Hull City
0-1 Liam Millar ('18 )
1-1 Jordan James ('52 , víti)
2-1 Luke Thomas ('54 )
2-2 Oli McBurnie ('63 )

Norwich 2 - 1 Derby County
0-0 Mohamed Toure ('9 , Misnotað víti)
1-0 Mohamed Toure ('33 )
1-1 David Ozoh ('54 )
2-1 Liam Gibbs ('60 )