Samningurinn er óuppsegjanlegur af beggja hálfu.

„Arnar tók við liðinu síðastliðið haust af Loga Ólafssyni og hefur gríðarleg ánægja verið með störf hans í Fossvoginum. Tímasetning framlengingarinnar í aðdraganda bikarúrslitaleiks er öllum sem koma að félaginu mikið ánægjuefni," segir í fréttatilkynningu frá Víkingi.

„Knattspyrnudeild Víkings hlakkar til áframhaldandi uppbyggingar í samvinnu við Arnar og skorar á alla Víkinga að mæta á bikarúrslitaleikinn á morgun."

Víkingur mætir FH í úrslitum Mjólkurbikarsins á Laugardalsvelli klukkan 17:00 á morgun.

Hér að neðan má sjá viðtal við Arnar fyrir leikinn.