Alexander Isak, framherji Liverpool og sænska landsliðsins, er besti leikmaður ársins í Svíþjóð, en þetta er í fyrsta sinn sem hann hreppir verðlaunin.
Þessi 26 ára gamli framherji hlaut verðlaunin fyrir frábæra frammistöðu með Newcastle United á síðustu leiktíð, en hann átti stóran þátt í að vinna enska deildabikarinn með liðinu sem var fyrsti stóri titill liðsins í 70 ár.
Isak skoraði 27 mörk og gaf 6 stoðsendingar með Newcastle sem kom sér í Meistaradeild Evrópu.
Hann var seldur fyrir 125 milljónir punda til Liverpool í sumar, sem er metfé í ensku úrvalsdeildinni, en ekki náð sér á strik með Englandsmeisturunum og aðeins skorað tvö mörk í fimmtán leikjum.
„Það er afar þýðingarmikið fyrir mig að hljóta þessi verðlaun, enda virtustu einstaklingsverðlaun sænska boltans. Þetta er mikill heiður fyrir mig.“
„Ef ég ætti að súmmera upp fótboltaárið 2025 þá var það mjög viðburðaríkt. Fagnaði mörgum sigrum, en það voru líka bakslög. Þetta var samt mjög viðburðaríkt og eftirminnilegt ár,“ sagði Isak.
Vinnare av Guldbollen 2025: Alexander Isak ????
— Svensk Fotboll (@svenskfotboll) December 18, 2025
????? https://t.co/3pyZnUHHAC pic.twitter.com/xSvDCPEv2v
Athugasemdir
