Cristiano Ronaldo bjargaði stigi fyrir Juventus er liðið gerði 2-2 jafntefli við Sassuolo í Seríu A í dag.

Það var hinn afar reyndi varnarmaður Leonardo Bonucci sem kom Juventus yfir á 20. mínútu áður en Jeremie Boga jafnaði metin aðeins tveimur mínútum síðar.

Francesco Caputo kom Sassuolo yfir í byrjun síðari hálfleiks en Gianluigi Buffon átti þá að gera betur í markinu hjá Juventus.

Það kom ekki að sök því Juventus fékk víti tuttugu mínútum síðar og skoraði Cristiano Ronaldo örugglega úr spyrnunni. Lokatölur 2-2 á Allianz-leikvanginum.

Juventus er búið að vinna ellefu leiki og gera þrjú jafntefli en liðið er með 36 stig, aðeins stigi á undan Inter.