Son vann Asíuleikana 2018 með landsliði Suður-Kóreu og þarf því ekki að gegna venjulegri herskyldu. Hann þarf þó að sinna ýmsum verkefnum í staðinn.

Fjórar vikur fara í hinar ýmsu heræfingar, sem gætu komið sér vel fyrir Son þar sem hann má ekki æfa með Tottenham vegna kórónuveirunnar.

Svo þarf hann einnig að skila inn 544 klukkustundum af sjálfboðastarfi. Helming starfsins verður hann að sinna í Suður-Kóreu en hinn hlutann má hann gera hvar sem hann er búsettur í heiminum.

Son er 27 ára gamall og hefur skorað 26 mörk í 87 landsleikjum fyrir Suður-Kóreu.