Jónas Guðni Sævarsson.
„Þetta er rosalega jöfn deild eins og í fyrra. Við ætluðum beint upp aftur í fyrra en þetta er miklu erfiðara en maður gerir sér grein fyrir," segir Jónas Guðni Sævarsson fyrirliði Keflvíkinga.
Keflvíkingum er spáð efsta sæti í spá fyrirliða og þjálfara í Inkasso-deildinni í sumar.
Keflvíkingum er spáð efsta sæti í spá fyrirliða og þjálfara í Inkasso-deildinni í sumar.
Mikil meiðsli hafa verið hjá Keflvíkingum en leikmenn eru að koma til að sögn Jónasar.
„Við erum brothættir, sumir af eldri leikmönnunum. Við erum með ágætis breidd og við erum með unga stráka sem eru að taka skemmtilegt skref. Þeir eru skrefinu nær að verða tilbúnir," sagði Jónas.
„Á miðjunni er ungur strákur sem heitir Ísak (Óli Ólafsson). Hann er ekki einu sinni kominn með bílpróf. Það verður gaman að fylgjast með honum. Hann er búinn að vera rosalega sterkur í vetur og spurningin er hvort hann nái að halda þessu áfram."
Fyrsti leikur Keflvíkinga er annað kvöld en liðið heimsækir þá Leikni í Breiðholtið. „Við förum með krafti í þann leik. Við erum búnir að undirbúa okkur vel," sagði Jónas.
Hér að ofan má sjá viðtalið í heild sinni.
