Ítalía mun ekki keppa á HM í Kanada, Mexíkó og Bandaríkjunum í sumar eftir að liðið tapaði gegn Bosníu og Hersegóvínu í umspilinu. Þetta er þriðja heimsmeistaramótið í röð sem Ítalía missir af.
Ítalía hefði verið með Kanada í B-riðli en heimamenn mæta Bosníu í fyrsta leik.
Um 1,5 milljón Ítalir búa í Kanada en fótboltasambandið þar í landi hvatti þá til að skipta út ítölsku treyjunni fyrir þá kanadísku fyrir HM.
„Fótboltasamband Kanada býður ítölskum Kanadamönnum að styðja við heimaliðið. Við verðum fyrir utan Cafe Diplomatico í Toronto laugardaginn 4. apríl til að bjóða stuðningsmönnum að skipta ítölsku treyjunni út fyrir kanadísku," segir í tilkynningu sambandsins.
