Ítalska félagið Juventus hefur hafið viðræður við umboðsmann Bernardo Silva, en búið er að tilkynna að hann fari frá Manchester City í sumar.
Framtíð Bernardo er rædd hvert einasta sumar og oft hefur hann veirð nálægt því að yfirgefa Man City en nú hefur verið staðfest að þetta verði hans síðasta tímabil í ljósbláu treyjunni.
Gazetta dello Sport segir Bernardo efstan á óskalista Juventus fyrir sumarið.
Samkvæmt heimildum miðilsins hefur Juventus verið í viðræðum við umboðsmann hans og er reiðubúið að bjóða honum þriggja ára samning með möguleika á fjórða ári.
Hann yrði einn sá allra launahæsti í Juventus með 7-8 milljónir evra í árslaun.
Barcelona og Paris Saint-Germain hafa áður sýnt Bernardo áhuga og þá er hann einnig á lista hjá félögum í Bandaríkjunum og Sádi-Arabíu.
