Ægir Jarl Jónasson er genginn í raðir Fram frá danska liðinu AB. Samningur hans við félagið átti að renna út í lok júní en Framarar náðu samkomulagi við AB um að fá hann fyrr til liðsins.
Ægir er fæddur 1998, og er uppalinn í Fjölni en gekk í raðir KR árið 2019 og spilaði þar undir stjórn Rúnars Kristinssonar, núverandi þjálfara Fram, áður en hann hélt til AB árið 2024.
Fótbolti.net ræddi við Ægi um heimkomuna fyrr í dag.
Ægir er fæddur 1998, og er uppalinn í Fjölni en gekk í raðir KR árið 2019 og spilaði þar undir stjórn Rúnars Kristinssonar, núverandi þjálfara Fram, áður en hann hélt til AB árið 2024.
Fótbolti.net ræddi við Ægi um heimkomuna fyrr í dag.
Góður tímapunktur
„Ég var að klára samninginn minn við AB í sumar. Frúin er ólétt með okkar annað barn, þannig að það var góður tímapunktur að koma heim.
Fram var lengi búið að hafa samband og mér leist mjög vel á það. Þeir höfðu samband í fyrrasumar og ég er búinn að vera í virku samtali við þá. Ég er mjög spenntur fyrir þessu verkefni.“
Þekkir Rúnar vel
Ægir segir önnur lið hérlendis hafa sýnt áhuga en samband hans og Rúnars Kristinssonar vógu þungt í valinu.
„Já, klárlega. Ég þekki Rúnar vel og hann þekkir mig. Ég veit hvað ég hef í honum. Að sjálfsögðu hjálpaði það mjög mikið.“
„Fyrstu dagarnir hafa verið flottir. Ég er reyndar bara búinn að fara á eina æfingu en aðstæðan og allt þarna er upp á tíu. Mér líst vel á strákana og liðið en ég er enn bara að koma mér fyrir.“
Reiknar ekki með að ná fyrsta leik
Fram mætir ÍA í Úlfarsárdalnum í fyrstu umferð næstkomandi sunnudag. Ægir hefur verið að glíma við meiðsli og var spurður út í heilsuna.
„Ég er allur að koma til. En það eru kannski ein, tvær vikur í mig. Ég kem vonandi sem fyrst. Mér kitlar rosalega að ná að spila. Ég veit ekki alveg hvort ég nái fyrsta leiknum. Ég reikna ekki með því en við skulum sjá til.“
Viðtalið má sjá í heild sinni í spilaranum hér að ofan.
