„Ekki eðlilega fallegt skot“ - Sjáðu Guðmund Baldvin hamra boltann inn

Guðmundur Baldvin Nökkvason skoraði með þrumufleyg þegar Stjarnan vann 3-0 sigur gegn FH á sunnudaginn. Hann var að spila sinn fyrsta byrjunarliðsleik eftir meiðsli og markið glæsilega má sjá hér að neðan.

„Mark Viðars var valið besta markið í umferðinni en mér fannst mark Guðmundar ekki síðra. Ekki eðlilega fallegt skot. Hamrar hann," segir Valur Gunnarsson, sérfræðingur Fótbolta.net, í Innkastinu.

Guðmundur Baldvin var sjálfur skiljanlega kampakátur eftir leikinn en Stjarnan hefur tryggt sér sæti í efri hlutanum.

„Það var bara geðveikt, það var erfitt að byrja aftur en gott að vera kominn til baka. Ég bara sá skotfærið og ákvað að taka það. Ég bara hefði ekki getað beðið um betri byrjun. Ég er bara mjög ánægður, með mig og allt liðið," sagði Guðmundur.