Fjórum leikjum var að ljúka í ensku úrvalsdeildinni en það var líf og fjör í leikjunum og mikið skorað.
Á Etihad vellinum í Manchester áttust við Man City og Fulham. Julian Alvarez kom City í forystu á sextándu mínútu eftir sendingu frá Ilkay Gundon og þá héldu flestir að dagsverkið yrði auðvelt fyrir City.
Svo var alls ekki því á 26. mínútu fékk Joao Cancelo beint rautt spjald fyrir að brjóta á Harry Wilson sem var sloppinn í gegn. Andreas Pereira skoraði af miklu öryggi af vítapunktinum.
City reyndi hvað það gat til að skora manni færri og í síðari hálfleiknum komu þeir Phil Foden og Erling Braut Haaland inn á.
Haaland kom boltanum í netið en VAR skoðaði atvikið og var dæmt rangstæða. Það var á 94. mínútu leiksins sem brotið var á Kevin De Bruyne innan vítateigs og var það Norðmaðurinn Haaland sem steig á punktinn.
Hann skoraði en tæpt var það. Vítaspyrnan var ekki sérstök, Bernd Leno var í boltanum en inn lak hann. City vann því 2-1 sigur.
Á Elland Road fór fram ótrúlegur leikur þar sem Leeds vann Bournemouth í sjö marka leik. Bournemouth komst í 1-3 þegar síðari hálfleikur var nýfarinn en heimamenn náðu ótrúlegri endurkomu.
Rasmus Kristensen minnkaði muninn með frábæru skoti utan teigs og átta mínútum síðar jafnaði Liam Cooper með góðum skalla. Það var svo Summerville sem var aftur hetja Leeds en hann tryggði sigurinn sex mínútum fyrir leikslok. Hann skoraði einnig sigurmarkið á Anfield um síðustu helgi.
Nottingham Forest bjargaði stigi gegn Brentford en liðið jafnaði metin á 96. mínútu leiksins. Morgan Gibbs-White gerði bæði mörk nýliðana.
Þá vann Brighton sinn annan leik í röð þegar liðið lagði Wolves að velli með þremur mörkum gegn tveimur.
Leeds 4 - 3 Bournemouth
1-0 Rodrigo ('3 , víti)
1-1 Marcus Tavernier ('7 )
1-2 Philip Billing ('19 )
1-3 Dominic Solanke ('48 )
2-3 Rasmus Kristensen ('60 )
3-3 Liam Cooper ('68 )
4-3 Summerville ('84)
Manchester City 1 - 1 Fulham
1-0 Julian Alvarez ('16 )
1-1 Andreas Pereira ('28 , víti)
Rautt spjald: Joao Cancelo, Manchester City ('26)
Nott. Forest 2 - 2 Brentford
1-0 Morgan Gibbs-White ('20 )
1-1 Bryan Mbeumo ('45 , víti)
1-2 Yoane Wissa ('75 )
2-2 Morgan Gibbs-White
Wolves 2 - 3 Brighton
0-1 Adam Lallana ('10 )
1-1 Goncalo Guedes ('12 )
2-1 Ruben Neves ('35 , víti)
2-2 Kaoru Mitoma ('44 )
2-3 Pascal Gross ('83)
Rautt spjald: Nelson Semedo, Wolves ('45)
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 36 | 25 | 8 | 3 | 83 | 37 | +46 | 83 |
| 2 | Arsenal | 36 | 18 | 14 | 4 | 66 | 33 | +33 | 68 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Chelsea | 37 | 19 | 9 | 9 | 63 | 43 | +20 | 66 |
| 5 | Aston Villa | 37 | 19 | 9 | 9 | 58 | 49 | +9 | 66 |
| 6 | Man City | 36 | 19 | 8 | 9 | 67 | 43 | +24 | 65 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 37 | 10 | 9 | 18 | 42 | 54 | -12 | 39 |
| 17 | Tottenham | 37 | 11 | 5 | 21 | 63 | 61 | +2 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
