Góð spilamennska Fulham kemur Guardiola ekki á óvart

„Ég er alls ekki hissa. Sjáðu hvernig þeir spiluðu í Championship deildinni á síðasta tímabili. Þeir áttu góðan félagsskiptaglugga og stjórinn þeirra er frábær," sagði Pep.

„Þeir eru góðir að finna svæðin. Ef þeir eru undir pressu þá geta þeir sett háan bolta upp á Mitrovic og reyna þá að vinna seinni boltann. Mjög gott lið, náðu í stig á móti Liverpool og héldu svo bara áfram."

Guardiola hélt áfram að tala um Aleksandar Mitrovic en sóknarmaðurinn hefur verið öflugur til þessa.

„Stórhættulegur leikmaður sem skoraði helling af mörkum á síðustu leiktíð. Hann skorar mörk, hann er keppnismaður og lætur varnarmenn þurfa hafa mikið fyrir hlutunum. Þá er hann mjög góður í að klára færin."