Nicolo Zaniolo, leikmaður Roma, átti magnað innkomu í sigri liðsins gegn Ludogorets á fimmtudaginn en Roma tókst þá að komast upp úr riðlinum í Evrópudeildinni.
Zaniolo hafði skorað í leiknum á undan sem endaði með 1-3 sigri á Hellas Verona en í þeim leik fékk hann högg og gat kappinn því ekki byrjað leikinn gegn Ludogorets.
Rómverjar voru að tapa í hálfleik en Zaniolo kom inn á og fiskaði tvær vítaspyrnur og kláraði svo leikinn með stórkoslegu einstaklingsframtaki.
„Ég verð að þakka Mourinho. Hann hefur alltaf haft trú á mér, líka þegar hlutirnir voru ekki að ganga upp fyrir mig. Ég sýndi það í dag að ég get verið mikilvægur hlekkur í liðinu,” sagði Ítalinn.
„Hann sagði mér að koma inn á og brjóta leikinn upp. Sem betur fer tókst það fullkomnlega.”
Zaniolo hefur tvívegis slitið krossband á sínum ferli en hann er leikmaður með mikla hæfileika og á hann enn mikið inni.
Það hefur vantað stöðugleika í frammistöður hans og þá hefur hann einnig verið í vandræðum með að hemja tilfinningar sínar á vellinum sem hefur skilað sér í gulum og rauðum spjöldum.
Hann virðist allur vera koma til upp á síðkastið en hann var öflugur í Sambandsdeildinni á síðustu leiktíð þar sem hann tryggði Rómverjum dolluna með sigurmarki gegn Feyenoord í úrslitaleiknum í Tírana.
Það er stórleikur á dagskrá hjá liðinu á morgun en þá mætast Roma og Lazio í nágrannaslag klukkan 17.
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 21 | 16 | 1 | 4 | 44 | 17 | +27 | 49 |
| 2 | Milan | 21 | 13 | 7 | 1 | 34 | 16 | +18 | 46 |
| 3 | Napoli | 21 | 13 | 4 | 4 | 31 | 17 | +14 | 43 |
| 4 | Roma | 21 | 14 | 0 | 7 | 26 | 12 | +14 | 42 |
| 5 | Juventus | 21 | 11 | 6 | 4 | 32 | 17 | +15 | 39 |
| 6 | Como | 21 | 10 | 7 | 4 | 31 | 16 | +15 | 37 |
| 7 | Atalanta | 21 | 8 | 8 | 5 | 26 | 20 | +6 | 32 |
| 8 | Bologna | 21 | 8 | 6 | 7 | 30 | 24 | +6 | 30 |
| 9 | Lazio | 21 | 7 | 7 | 7 | 21 | 19 | +2 | 28 |
| 10 | Udinese | 21 | 7 | 5 | 9 | 22 | 33 | -11 | 26 |
| 11 | Sassuolo | 21 | 6 | 5 | 10 | 23 | 28 | -5 | 23 |
| 12 | Cremonese | 21 | 5 | 8 | 8 | 20 | 28 | -8 | 23 |
| 13 | Parma | 21 | 5 | 8 | 8 | 14 | 22 | -8 | 23 |
| 14 | Torino | 21 | 6 | 5 | 10 | 21 | 34 | -13 | 23 |
| 15 | Cagliari | 21 | 5 | 7 | 9 | 22 | 30 | -8 | 22 |
| 16 | Genoa | 21 | 4 | 8 | 9 | 22 | 29 | -7 | 20 |
| 17 | Fiorentina | 21 | 3 | 8 | 10 | 23 | 32 | -9 | 17 |
| 18 | Lecce | 21 | 4 | 5 | 12 | 13 | 29 | -16 | 17 |
| 19 | Pisa | 21 | 1 | 11 | 9 | 16 | 31 | -15 | 14 |
| 20 | Verona | 21 | 2 | 8 | 11 | 17 | 34 | -17 | 14 |
